Kurd Plus

رۆژی 28/4 له‌كۆنگره‌یه‌كی رۆژنامه‌وانیدا له‌قه‌زای دوز سه‌رچاوه‌ تایبه‌ته‌كانی نه‌خۆشخانه‌ی دوز رایگه‌یاند: ماوه‌یه‌كه‌ نه‌خۆشی سیل له‌قه‌زای دوز سه‌ری هه‌ڵداوه‌و له‌ماوه‌ی مانگی رابردوودا نه‌خۆشخانه‌كه‌مان پێشوزای له‌ سی حاڵه‌تی گومانلێكراوی توشبوون به‌و نه‌خۆشیه‌ی كردووه‌و حه‌وت له‌و حاڵه‌تانه‌ ساغبوونه‌ته‌وه‌ كه‌ئه‌وه‌ش ژماره‌یه‌كی زۆره‌و پسپۆڕانی ئه‌و بواره‌ روونیده‌كه‌نه‌وه‌ كه‌بۆ رێگه‌گرتن له‌بڵاوبوونه‌وه‌ی ئه‌و نه‌خۆشیه‌ نه‌خۆشخانه‌ی دوز جگه‌ له‌به‌شێكی پسپۆڕی چه‌ندین  بنكه‌ی تایبه‌تییان بۆ فریاكه‌وتنی هاووڵاتیان له‌قه‌زاكه‌دا كردووه‌ته‌وه‌.
له‌و باره‌یه‌وه‌ د.محه‌مه‌د جومعه‌ له‌نه‌خۆشخانه‌ی دوز هه‌واڵه‌كه‌ی پشتڕاستكرده‌وه‌و رایگه‌یاند: رێوشوێنی تایبه‌تییان بۆ روبه‌ڕوبوونه‌وه‌ی ئه‌و حاڵه‌ته‌ گرتووه‌ته‌به‌ر.