Kurd Plus

27/1/2010
وه‌زیری به‌رگری ئه‌مریكا (رۆبه‌رت گیتس) فه‌رمانیدا به‌پێكهێنانی لیژنه‌یه‌كی تایبه‌ت له‌وه‌زاره‌تی به‌رگری بۆ به‌ره‌نگاربوونه‌وه‌ی ئه‌و ده‌سدرێژییانه‌ی ده‌كرێته‌ سه‌رهێڵی ئینته‌رنێت تایبه‌ت به‌و وه‌زاره‌ته‌و سیستمه‌ به‌رگرییه‌كه‌ی و به‌گه‌ڕخستنی هه‌وڵه‌كانی په‌نتاگۆن له‌بواری جه‌نگی ئه‌لیكترۆنی له‌ڕێی هێڵی ئینته‌رنێته‌وه‌.
وته‌بێژێك به‌ناوی وه‌زاره‌تی به‌رگری ئه‌مریكاوه‌ ئه‌وه‌ی روونكرده‌وه‌ كه‌ (گیتس) ئه‌م سیستمه‌ی هێناوه‌ته‌كایه‌وه‌ بۆ یه‌كه‌مجار له‌ولاتدا كه‌كاربكات له‌ژێر به‌یداخی رابه‌رایه‌تی ستراتیجی ئه‌مریكی كه‌بڕیار وایه‌ ئه‌مساڵ ده‌ست به‌كاره‌كانی بكات.
به‌پێی وته‌ی لێپرسراوان باره‌گای تازه‌یان ده‌كه‌وێته‌ (فۆرت مید)ی سه‌ر به‌ویلایه‌تی (میریلاند)و له‌سه‌ره‌تای ئه‌م ساڵه‌وه‌ ئاماده‌ ده‌بێت.
سوپای ئه‌مریكی پشت ده‌به‌ستێت به‌ 15 هه‌زار هێڵ و نزیكه‌ی 7 ملیۆن كۆمپیوته‌ر، چونكه‌ زیاتر له‌ 100 هه‌زار ده‌زگای هه‌واڵگری بیانی هه‌وڵی چوونه‌ ناو هێڵه‌كان ده‌ده‌ن به‌شێوه‌یه‌كی نائاسایی.